ଜିଲ୍ଲାପାଳଙ୍କ ତାଗିଦ ସତ୍ୱେ ପ୍ୟାକ୍ସ ସମ୍ପାଦକ,ମିଲର୍ସ ୯ କେଜି ଜବରଦସ୍ତ କାଟୁଛନ୍ତି, ମିଲର୍ସଙ୍କ ବଳ ଦେଉଛି କିଏ :-- କଂଗ୍ରେସ

 ଡିସିସି ପ୍ରେସବାର୍ତା ତା ୧୦.୦୧.୨୦୨୩

 

--------------------------------------------

 

ଚାଷୀଙ୍କ ଠାରୁ ଧାନ କଟଣିଛଟଣି କରାଯିବ ନାହିଁ ବୋଲି ଜିଲ୍ଲାପାଳ ଗଣମାଧ୍ୟମ ଜରିଆରେ ଚାଷୀକୁଳ, ମିଲର୍ସ ଏବଂ ପ୍ୟାକ୍ସ ସମ୍ପାଦକ ମାନଙ୍କୁ ବାର୍ତା ଦେଇ ଏଆରସିଏସଙ୍କୁ ନିର୍ଦ୍ଦେଶ ପ୍ରଦାନ କରିଛନ୍ତି, କିନ୍ତୁ ମିଲର୍ସ ମାନେ ସମ୍ପୂର୍ଣ୍ଣ ବେଫିକର, ସୁଧୁରିଯିବା ପରିବର୍ତ୍ତେ ଜବରଦସ୍ତ ସୋସାଇଟି ସମ୍ପାଦକଙ୍କ ସହଯୋଗରେ କୁଇଣ୍ଟାଲ ପିଛା ୭ କେଜି ଏବଂ ବସ୍ତା ବାବଦ ୨ କେଜି ଧାନ କାଟୁଛନ୍ତି ବୋଲି ଜିଲ୍ଲା କଂଗ୍ରେସ ସଭାପତି ଆଇନଜୀବି ରଣଜିତ ଦାଶ ଅଭିଯୋଗ କରିଛନ୍ତି l ଆଜି କଂଗ୍ରେସ ପ୍ରତିନିଧି ଦଳ ନୟାଗଡ଼ ବ୍ଲକ ର କାଳିକାପ୍ରାସାଦ ପ୍ୟାକ୍ସ ଏବଂ କେନ୍ଦ୍ର ସମବାୟ ବ୍ୟାଙ୍କ ସଭାପତିଙ୍କ ନିଜ ସୋସାଇଟି ଯେମlଦେଇପୁର ପାଟଣା ପ୍ୟାକ୍ସରେ କୁଇଣ୍ଟାଲ ପିଛା ୭ କେଜି ବସ୍ତା ବାବଦ ୨ କେଜି କଟା ଯାଉଥିବା ଚାଷୀଙ୍କ ଠାରୁ ଶୁଣିଥିଲେ l ଧାନ ନଦେଲେ ଟୋକନ ଅବଧି ସରିଯିବାର ଭୟ ଦେଖାଇ ଧାନ ଉଠା ଯାଉଛି, ବିଚରା ଚାଷୀ ବାଧ୍ୟ ହୋଇ କର୍ମକୁ ଆଦରି ଧାନ ଦେଉଛି ବୋଲି କଂଗ୍ରେସ ଅଭିଯୋଗ କରିଛି l ପ୍ରଶ୍ନ ହେଉଛି ମିଲର୍ସ କାହା ବଳ ପାଇ ଜିଲ୍ଲା ପ୍ରଶାସନ ସହ ଖୋଲାଖୋଲି ବାକ୍ୟ ବିନିମୟ କରୁଛନ୍ତି ବୋଲି କଂଗ୍ରେସ ପ୍ରଶ୍ନ କରିଛି l ଡିସିସି କାର୍ଯ୍ୟକାରୀ ସଭାପତି କମଳ ଚରଣ ସାହୁ, ବ୍ଲକ କଂଗ୍ରେସ ସଭାପତି ଫକୀର ଚରଣ ମଲ୍ଲ ପ୍ରମୁଖ ପ୍ରତିନିଧି ଦଳରେ ସାମିଲ ଥିଲେ