ଆଠଗଡରେ ଜନ ଶୁଣାଣି

 ଆଠଗଡ଼ ବ୍ଲକରେ କଟକ ଜିଲ୍ଲାପାଳ ଭବାନୀଶଙ୍କର ଚୟିନୀ ଆଜି ଏକ ମିଳିତ ଜନ ଶୁଣାଣି କାର୍ଯ୍ୟକ୍ରମ କରିଥିଲେ।ଏହି କାର୍ଯ୍ୟକ୍ରମ ରେ କଟକ ଗ୍ରାମାଞ୍ଚଳ ପୋଲିସ ଆରକ୍ଷୀ ଅଧିକ୍ଷକ ବି.ଯୁଗଳ କିଶୋର, ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ ବି.କେ.ଖଣ୍ଡାୟତରାୟ, ଗ୍ରାମ୍ୟ ଉନ୍ନୟନ ସଂସ୍ଥା ର ପ୍ରକଳ୍ପ ନିର୍ଦେଶକ ଅମ୍ବର କର, ଆଠଗଡ଼ ଉପଜିଲ୍ଲାପାଳ ହେମନ୍ତକୁମାର ସ୍ବାଇଁ,ମଣ୍ଡଳ ଉନ୍ନୟନ ଅଧିକାରୀ ଅରୁଣକୁମାର ଦାସ,ଅତିରିକ୍ତ ମଣ୍ଡଳଉନ୍ନୟନ ଅଧିକାରୀ ଉପେନ୍ଦ୍ରକୁମାର ଜେନା,ଆଠଗଡ଼ ଉପଖଣ୍ଡ ଚିକିତ୍ସା ଅଧିକାରୀ ଡାକ୍ତର ଵିଜୟକୁମାର ମିଶ୍ର,ବ୍ରହ୍ମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ର ଚିକିତ୍ସା ଅଧିକାରୀ ଡାକ୍ତର ଦିଲ୍ଲୀପକୁମାର ଦାସ,ଆଠଗଡ଼ ତହସିଲଦାର ପ୍ରିୟବ୍ରତ ଦାସଙ୍କ ସମେତ ବିଭିନ୍ନ ବିଭାଗର ବିଭାଗୀୟ ମୁଖ୍ୟ ଯୋଗ ଦେଇଥିଲେ।ଏହି ଜନ ଶୁଣାଣି ରେ ମୋଟ ୧୪୨ ଗୋଟି ଆବେଦନ ପଞ୍ଜିକୃତ ହୋଇଥିଲା।ସେଥିମଧ୍ୟରୁ ୧୩୦ ଗୋଟି ବ୍ୟକ୍ତିଗତ ଅଭିଯୋଗ ଓ ୧୨ ଗୋଟି ସାମୁହିକ ଅଭିଯୋଗ ଥିଲା।ମୋଟ ୫୮ ଟି ଅଭିଯୋଗ ର ତତ୍କାଳ ଫଇସଲା କରାଯାଇଥିଲା।ସନାତନ ସାହୂ ପିତା କ୍ଷେତ୍ରବାସି ସାହୂ କନ୍ତୋଲ,ଅଭିରାମ ପ୍ରଧାନ ପିତା କୈଳାସ ବୀରକିଶୋର ପୁର,ମିନତୀ ପୁହାଣ ସ୍ବା       

         ରାଧାଦାମୋଦର ପୁରଙ୍କ ଚିକିତ୍ସା ନିମନ୍ତେ ରେଡ଼କ୍ରସ ପାଣ୍ଟିରୁ ୩୦୦୦ ଟଙ୍କା ଲେଖାଏଁ ସହାୟତା ମଞ୍ଜୁର କରାଯାଇଥିଲା।ଭିନ୍ନକ୍ଷମ ଓ ଅନ୍ୟାନ୍ୟ ଭତ୍ତା ପାଇଁ ଅଭିଯୋଗ ଆସିଥିବା ୧୨ ଗୋଟି ଅଭିଯୋଗ ର ଫଇସଲା କରାଯାଇଥିଲା।ବିଶ୍ୱନାଥ ବିଦ୍ୟାପୀଠ ଜମି ଜବରଦଖଲ ବାବଦରେ ପୁରାତନ ଛାତ୍ର ଲକ୍ଷ୍ମୀନାରାୟଣ ଭଂଜ,ଶିବନାରାୟନ ପଟନାୟକ,ଲଲାଟେନ୍ଦୁ ସେନାପତି,ରଘୁମଣିସେଠି ପ୍ରମୁଖ ଜବରଦଖଲ କାରି ଙ୍କୁ ଉଛେଦ କରିବା ଓ ନିର୍ମାଣ କାର୍ଯ୍ୟ ସ୍ଥଗିତ ରଖିବାକୁ ଜିଲ୍ଲାପାଳ ଙ୍କ ଦୃଷ୍ଟି ଆକର୍ଷଣ କରିଥିଲେ।ତେବେ ବିବାଦୀୟ ସ୍ଥାନକୁ ବାଦ ଦେଇ ଅନ୍ୟ ତିନି କଡ଼ ପ୍ରାଚୀର କାର୍ଯ୍ୟ ଚାଲୁରଖିବାକୁ ଜିଲ୍ଳାପାଳ ନିର୍ଦ୍ଦେଶ ଦେବା ସହ ଖୁବ ଶୀଘ୍ର ବିବାଦୀୟ ଜାଗାର ମାପ କରାଯିବ ଓ ବିଦ୍ୟାଳୟ ଜାଗାରୁ ଗୋଟିଏ ଇଞ୍ଚ ଜାଗା ଛଡ଼ାଯିବ ବୋଲି ଅଭିଯୋଗ କାରୀ ଙ୍କୁ ପ୍ରତିଶ୍ରୁତି ଦେଇଥିଲେ।  ଆଠଗଡରୁ ମହେଶ ଦାସଙ୍କ ରିପୋର୍ଟ।