ଶ୍ରୀ ଶ୍ରୀ ରଘୁନାଥ ଜୀଉ ମହାବିଦ୍ୟାଳୟରେ 'ସେବା ପକ୍ଷ୍ଵାଡା କାର୍ଯ୍ୟକ୍ରମ ଅନୁଷ୍ଟିତ:

 ଗଣିଆ:୨୯/୦୯( ହୀ ପ୍ର) ଭାରତ ସରକାରଙ୍କ 'ମୋ ଭାରତ' କାର୍ଯ୍ୟକ୍ରମ ପରିପ୍ରେକ୍ଷୀରେ ନୟାଗଡ଼ ଏବଂ ଶ୍ରୀ ଶ୍ରୀ ରଘୁନାଥ ଜୀଉ ମହାବିଦ୍ୟାଳୟ ଗଣିଆ ର ଏନ୍.ଏସ୍.ଏସ୍.  ସ୍ୱେଚ୍ଛାସେବୀମାନଙ୍କ ମିଳିତ ଆନୁକୂଲ୍ୟରେ ମହାବିଦ୍ୟାଳୟ ପରିସରରେ 'ସେବା ପଖ୍ଵାଡା '  (ସେବା ପକ୍ଷ) କାର୍ଯ୍ୟକ୍ରମ ଅତ୍ୟନ୍ତ ଉତ୍ସାହର ସହ ଅନୁଷ୍ଠିତ ହୋଇଯାଇଛି।

ମହାବିଦ୍ୟାଳୟର ଅଧ୍ୟକ୍ଷ ଅଖିଳ କୁମାର ହୋତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବରିଷ୍ଠ ନାଗରିକ ମଞ୍ଚର ସଭାପତି ଗିରିଶ କୁମାର ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇଥିଲେ। 'ମୋ ଭାରତ'ର ବ୍ଲକ୍ ପ୍ରୋଗ୍ରାମ ଅଫିସର ବାପୁନୁ ବେହେରା ଏହି ସମଗ୍ର କାର୍ଯ୍ୟକ୍ରମକୁ ସଫଳତାର ଆୟୋଜିତ କରିବା ସହ ଅର୍ଥଶାସ୍ତ୍ର ଅଧ୍ୟାପକ ରାକେଶ ବରାଡ଼ ଏହି କାର୍ଯ୍ୟ ପରିଚାଳନା କରିଥିଲେ।

ଏହି ଅବସରରେ ଏନ୍.ଏସ୍.ଏସ୍. ପ୍ରୋଗ୍ରାମ ଅଫିସର ଶର୍ମିଲା ଦାଶ ଓ ପୂର୍ବତନ ଅଧ୍ୟକ୍ଷ ଲକ୍ଷ୍ମୀକାନ୍ତ ପଣ୍ଡା ପ୍ରମୁଖ ଉପସ୍ଥିତ ରହି ସ୍ୱେଚ୍ଛାସେବୀ ମାନଙ୍କୁ ଉତ୍ସାହିତ କରିଥିଲେ। ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀମାନେ ସକ୍ରିୟ ଭାବେ ଯୋଗଦେଇ କାର୍ଯ୍ୟକ୍ରମକୁ ସଫଳ କରିବାରେ ପୂର୍ଣ୍ଣ ସହଯୋଗ ପ୍ରଦାନ କରିଥିଲେ।

ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା ମହାବିଦ୍ୟାଳୟ ପରିସରକୁ ସମ୍ପୂର୍ଣ୍ଣ ପ୍ଲାଷ୍ଟିକ ମୁକ୍ତ କରିବା ଏବଂ ଏକ ସବୁଜ ସୁନ୍ଦର ପରିବେଶ ଗଠନ ପାଇଁ ବୃକ୍ଷରୋପଣ କରିବା। ଏହାସହିତ ଏକ ସୁସ୍ଥ, ସବଳ ଏବଂ  ସବୁଜ ପରିବେଶ ଗଠନ ପାଇଁ ପ୍ଲାଷ୍ଟିକ ର ବ୍ୟବହାର ରୋକିବା ପାଇଁ ଶପଥ ପାଠ କରାଯାଇଥିଲା ।