ନୂଆଗାଁ ପଞ୍ଚାୟତ ସମିତି କାର୍ଯ୍ୟାଳୟରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଛି। ବ୍ଲକ୍ର ୧୫ଟି ପଞ୍ଚାୟତରୁ ୧୦୭ ଜଣ ପଞ୍ଜୀକରଣ କରିଥିଲେ। ସେମାନଙ୍କ ମଧ୍ୟରୁ ଅସ୍ଥିଶଲ୍ୟ ବିଭାଗରେ ୫୪, ଶ୍ରବଣରେ ୨୨, ଚକ୍ଷୁରେ ୧୧ ଓ ଅନ୍ୟାନ୍ୟ ବିଭାଗରେ ୨୦ ଜଣ ଥିଲେ।
ଶିବିରରେ ୩ ଜଣଙ୍କୁ ହ୍ୱିଲ୍ଚେୟାର, ଜଣଙ୍କୁ ରୋଲେଟର, ଜଣଙ୍କୁ କାନ ମେସିନ୍ ଓ ଜଣଙ୍କୁ ବ୍ଲାଇଣ୍ଡ ଷ୍ଟିକ୍ ପ୍ରଦାନ କରାଯାଇଥିଲା। ନୟାଗଡ଼ ମୁଖ୍ୟ ଚିକିତ୍ସାଳୟର ଡ. ପ୍ରସନ୍ନ ପ୍ରସାଦ ସାହୁ (ଚକ୍ଷୁ ବିଭାଗ), ଡ. ସଞ୍ଜୟ ଦେବ (ଅସ୍ଥିଶଲ୍ୟ ବିଭାଗ), ଡ. ସୀତାଶ୍ରୀ ସେଠୀ (ଶ୍ରବଣ ବିଭାଗ), ସବିତା ବରାଡ଼ (ମାନସିକ ସ୍ୱାସ୍ଥ୍ୟ/ମନୋବିଜ୍ଞାନ), ସନ୍ତୋଷ କୁମାର ନାୟକ (ମନୋବିଜ୍ଞାନ ସାମାଜିକ କର୍ମୀ), ଡ. ଶତ୍ରୁଘ୍ନ ନାୟକ (ମେଡିସିନ) ଓ ଲକ୍ଷ୍ମୀପ୍ରିୟା ମଲ୍ଲିକ (ଅଡିଓଲୋଜିଷ୍ଟ) ପ୍ରମୁଖ ଚିକିତ୍ସା ଓ ପରୀକ୍ଷା କରିଥିଲେ।
ଶିବିରରେ ବ୍ଲକ୍ ଅଧ୍ୟକ୍ଷା ଲକ୍ଷ୍ମୀପ୍ରିୟା ବେହେରା, ଉପାଧ୍ୟକ୍ଷ ପର୍ଶୁରାମ ସ୍ବାଇଁ, ବିଡିଓ ଡ. ଅମୃତ କୁମାର ରାଉଳ ଓ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସର୍ବେଶ୍ୱର ପାଣିଗ୍ରାହୀଙ୍କ ସମେତ ବିଭିନ୍ନ ଅଧିକାରୀ ଓ ସ୍ବେଚ୍ଛାସେବୀ ଉପସ୍ଥିତ ଥିଲେ। ଶିବିର ସକାଳ ୮ଟାରୁ ଅପରାହ୍ଣ ୩ଟା ପର୍ଯ୍ୟନ୍ତ ଚାଲିଥିଲା। ବ୍ଲକ୍ ସାମାଜିକ ସୁରକ୍ଷା ଅଧିକାରୀ ସ୍ବର୍ଣ୍ଣ ସାରିକା ଜେନା ଶିବିରର ସମନ୍ୱୟ କରିଥିଲେ।
0 Comments