ନୂଆଗାଁ ବ୍ଲକ କାର୍ଯ୍ୟାଳୟ ପରିସରରେ ଆଜି ବ୍ଲକ ସ୍ତରୀୟ ଜାତୀୟ ପଞ୍ଚାୟତିରାଜ ଦିବସ-୨୦୨୬ ମହାସମାରୋହରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ କନ୍ଧମାଳ ସାଂସଦ *ଶ୍ରୀଯୁକ୍ତ ସୁକାନ୍ତ ପାଣିଗ୍ରାହୀ* ମୁଖ୍ୟ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ବଳନ ପୂର୍ବକ ସଭାକାର୍ଯ୍ୟ ଶୁଭାରମ୍ଭ କରିଥିଲେ।
ଉକ୍ତ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ:
ଶ୍ରୀ ଅମୃତ କୁମାର ରାଉଳ (ବିଡ଼ିଓ, ନୂଆଗାଁ)
*ଶ୍ରୀମତୀ ଲକ୍ଷ୍ମୀପ୍ରିୟା ବେହେରା(ଅଧ୍ୟକ୍ଷା, ନୂଆଗାଁ ବ୍ଲକ)
*ଶ୍ରୀ ପର୍ଶୁରାମ ସ୍ୱାଇଁ(ଉପାଧ୍ୟକ୍ଷ)
ଶ୍ରୀ ଭୀମସେନ ସେଠୀ
ଅତିରିକ୍ତ ବିଡ଼ିଓ ଶ୍ରୀ ମୀନକେତନ ବେହେରା** ଅତିଥି ପରିଚୟ ପ୍ରଦାନ କରିବା ସହ ମଞ୍ଚ ପରିଚାଳନା କରିଥିଲେ।
ବିଡ଼ିଓ ଶ୍ରୀ ରାଉଳ ପଞ୍ଚାୟତିରାଜ ଦିବସର ତାତ୍ପର୍ଯ୍ୟ ଓ ଗ୍ରାମାଞ୍ଚଳ ବିକାଶରେ ପଞ୍ଚାୟତର ଗୁରୁତ୍ୱପୂର୍ଣ୍ଣ ଭୂମିକା ବିଷୟରେ ବିସ୍ତୃତ ଆଲୋଚନା କରିଥିଲେ। ମୁଖ୍ୟ ଅତିଥି ସାଂସଦ ଶ୍ରୀ ପାଣିଗ୍ରାହୀ ନିଜ ଅଭିଭାଷଣରେ କହିଥିଲେ ଯେ, "ଯଦି ପଞ୍ଚାୟତର ଉନ୍ନତି ହେବ, ତେବେ ଦେଶର ଉନ୍ନତି ହେବ। ଏଥିପାଇଁ ସମସ୍ତ ବର୍ଗର ଲୋକ, ବିଶେଷ କରି ମହିଳା ଓ ଯୁବଗୋଷ୍ଠୀଙ୍କ ସହଭାଗିତା ନିତାନ୍ତ ଆବଶ୍ୟକ।
ଏହି ଅବସରରେ ବିଭିନ୍ନ ଯୋଜନାରେ ସଫଳତା ପାଇଥିବା ହିତାଧିକାରୀ ଓ ପଞ୍ଚାୟତକୁ ସମ୍ମାନିତ କରାଯାଇଥିଲା:
* *ୱାର୍କ ଅର୍ଡର ବଣ୍ଟନ:* ବିଭିନ୍ନ ଯୋଜନାରେ ସାମିଲ ହୋଇଥିବା ମହିଳାମାନଙ୍କୁ କାର୍ଯ୍ୟାଦେଶ (Work Order) ପ୍ରଦାନ କରାଯାଇଥିଲା।
* *ଶ୍ରେଷ୍ଠ ପଞ୍ଚାୟତ ସମ୍ମାନ:* ଉତ୍ତମ କାର୍ଯ୍ୟ ପାଇଁ *ନୂଆଗାଁ* ଓ *ପରାଢ଼ିପି* ପଞ୍ଚାୟତକୁ ସ୍ୱତନ୍ତ୍ର ଭାବେ ସମ୍ମାନିତ କରାଯାଇଥିଲା
ଏହି ସମାରୋହରେ ବ୍ଲକର ବିଭିନ୍ନ ପଞ୍ଚାୟତରୁ ଶତାଧିକ *ସ୍ୱୟଂ ସହାୟିକା ଗୋଷ୍ଠୀ (SHG)* ର ମହିଳାମାନେ ଯୋଗ ଦେଇଥିଲେ। ସନ୍ଧ୍ୟା ୬ ଘଟିକା ସମୟରେ ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ୱାରା ଆୟୋଜିତ ପଞ୍ଚାୟତିରାଜ ଦିବସର ସିଧା ପ୍ରସାରଣକୁ ସମସ୍ତେ ମିଳିତ ଭାବେ ଦେଖିଥିଲେ। ଶେଷରେ ମାନ୍ୟବର ସାଂସଦ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
0 Comments