ଧୂମଧାମରେ ପାଳିତ ହେଲା ଶନି ଠାକୁରଙ୍କ ବାର୍ଷିକ ଉତ୍ସବ

​ନୂଆଗାଁ (କୋରଡ଼ା ପଂଚାୟତ ): ଆଜି ସ୍ଥାନୀୟ କୋରଡ଼ା ଠାରେ ଶନି ଦେବଙ୍କ ବାର୍ଷିକ ଉତ୍ସବ ଅତ୍ୟନ୍ତ ଭକ୍ତିପୂର୍ଣ୍ଣ ପରିବେଶରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ଶନି ମନ୍ଦିର ପରିସର ଶ୍ରଦ୍ଧାଳୁଙ୍କ ଗହଳିରେ ଚଳଚଞ୍ଚଳ ହୋଇଉଠିଥିଲା।

​ସକାଳୁ ଶନି ଦେବଙ୍କ ପୀଠରେ ସ୍ନାନ, ମାର୍ଜନା ଓ  ପୂଜାର୍ଚ୍ଚନା କରାଯାଇଥିଲା। ଠାକୁରଙ୍କୁ ନୂତନ ବସ୍ତ୍ର ଓ ପୁଷ୍ପରେ ସୁସଜ୍ଜିତ କରାଯାଇ ମହାଆଳତି ସମ୍ପନ୍ନ ହୋଇଥିଲା। ଏଥିସହ ବିଶ୍ଵଶାନ୍ତି ଓ ଜନମଙ୍ଗଳ କାମନା କରି ସ୍ଵତନ୍ତ୍ର ହୋମ-ଯଜ୍ଞର ଆୟୋଜନ ମଧ୍ୟ କରାଯାଇଥିଲା।

​ଶନିଙ୍କ ପ୍ରିୟ କଳା ରାଶି, କଳା କପଡ଼ା ଓ ନୀଳ ପୁଷ୍ପ ଅର୍ପଣ କରିବା ପାଇଁ ଭକ୍ତଙ୍କ ଲମ୍ବା ଧାଡ଼ି ଦେଖିବାକୁ ମିଳିଥିଲା। ମନ୍ଦିର  ପକ୍ଷରୁ ଶୃଙ୍ଖଳିତ ଦର୍ଶନ  ସୁବ୍ୟବସ୍ଥା କରାଯାଇଥିଲା। ଏହି ଉତ୍ସବରେ ସ୍ଥାନୀୟ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ଠାକୁରଙ୍କ ଆଶୀର୍ବାଦ ଭିକ୍ଷା କରିଥିଲେ।