ବାଇକ୍ ସହ ଗଞ୍ଜେଇ ଜବତ , ଜଣେ ଗିରଫ

 

ନୂଆଗାଁ ଥାନା ପୁଲିସ ବାଇକ୍ ସହ ଗଞ୍ଜେଇ ଜବତ କରିବା ସହ ଜଣକୁ ଗିରଫ କରିଛି।ସୂଚନା ଥାଉକି ଇଟାମାଟି ଥାନା ଭିରୁଡ଼ା ଗ୍ରାମର ହୃଷିକେଶ ବେହେରାଙ୍କ ପୁଅ ସନ୍ତୋଷ କୁମାର ବେହେରା( ୨୮ ବର୍ଷ)ଏକ ମଟର ସାଇକେଲ ଗାଡି (ଓଡି - ୦୨- ବିପି - ୦୪୧୫) ଫୁଲବାଣୀରୁ ଇଟାମାଟି ଯାଉଥିବା ବେଳେ ୫୭ ନଂ ଜାତୀୟ ରାଜପଥ କୃଷ୍ଣଚନ୍ଦ୍ର ପୁର ଠାରେ ନୂଆଗାଁ ଥାନା ପୁଲିସ୍ ବାଇକକୁ ଅଟକାଇ ଗାଡି ଯାଞ୍ଚ କଲାବେଳେ ଗାଡି ରୁ ଗଞ୍ଜେଇ ବାହାରିଥିଲା। ଗାଡି ସହ ଗାଡି ଚାଳକକୁ ଥାନାକୁ ଆଣି  ୩ କିଗ୍ରା ୧୦୦ ଗ୍ରାମ ଗଞ୍ଜେଇ ଜବତ କରିଥିଲେ। ଏ ନେଇ ୧୭୯ /୨୪ ରେ ଏକ ମାମଲା ରୁଜୁ କରିବା ସହ ଗାଡି ଚାଳକକୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ଶରତ ଚନ୍ଦ୍ର ସେଠୀ ସୂଚନା ଦେଇଛନ୍ତି।